fbpx
Tech X Life中文
May 21, 2019

【怕被friendzone?Facebook推出暗戀功能!】

相信大家都有成日透過Facebook了解朋友嘅狀況,互tag大家增進感情。Facebook創辦人朱克伯格(Mark Zuckerberg)最近表示,希望Facebook除咗係一個同朋友連繫嘅平台,仲可以成為用戶重要關係嘅開始,所以早前Facebook推出咗約會(Dating)功能,而依家更宣布喺「約會」功能入面新增暗戀(Secret Crush)功能,希望可以幫大家開始一段新嘅關係。 約會功能係自願性質嘅,只要你打開依個功能,你就可以建立一個約會嘅個人檔案。但係放心,依個profile唔會輕易比親朋戚友見到,只有同樣使用約會功能嘅用戶先見會見到!Facebook會根據你嘅data,好似共同朋友、興趣、位置咁,搵最適合嘅配對對象,介紹比你認識嘅都會係陌生人。 同其他約會app唔同嘅係,Facebook希望將你最獨特嘅一面表達出嚟,所以除咗年齡、學歷等依啲基本資料之外,Facebook仲會問一啲個人化嘅問題,例如你心目中理想嘅一日係點過等等,希望幫大家搵到一個興趣、諗法等方面都好夾嘅另一半。 如果你比較怕生,想係朋友當中搵約會對象嘅都唔洗擔心,因為朱克伯格喺上個月Facebook嘅年度發佈會F8宣布約會入面多咗「暗戀」依個功能!唔理係啱傾嘅網友、中學男女神、心儀嘅同事都好,你可以全部加晒入去你個暗戀名單入面。怕食檸檬?唔緊要!因為只有對方都有約會功能嘅話,先會收到有人暗戀佢嘅通知,如果你哋真係咁啱,互相將大家加入咗暗戀名單嘅話,Facebook先會揭露你係邊個!當成功配對之後,你地就可以透過Messenger傾計,增進感情。 如果對方同樣有約會功能嘅話就會收到有人暗戀佢嘅通知,如果你咁好彩,同樣係佢哋嘅暗戀名單到嘅話,Facebook先會揭露你係邊個架。當你哋成功配對之後,你地就可以透過Messenger傾計,增進感情啦! 朱克伯格希望用戶可以透過Facebook搵到長久嘅戀情,所以為咗用戶唔好濫用呢個約會功能,每日你只可以改變你嘅暗戀名單一次,而約會功能入面就限定每日只可以同100個玩家配對。…
Read More
Tech X Game中文
April 30, 2019

【真人版Battle Royale?】

講到近幾年最受歡迎嘅遊戲,又點少得PUBG、Fortnite同Apex Legends呢?呢類大逃殺遊戲同傳統戰地遊戲唔同,遊戲一開始,玩家要同其他99人搭同一架飛機,玩家揀定落地區域之後,喺蒐集求生物資嘅同時,仲要同其他玩家搏鬥。與此同時,安全嘅活動範圍亦會越縮越細,玩家要繼續廝殺落去,直至得返最後一隊甚至最後一個玩家先可以獲勝。 想親身體驗普通戰地遊戲,我哋可以玩各式各樣嘅War game;但至於想將Battle Royale類型遊戲搬到現實,就唔係咁容易啦! 活動開始前,首先要將物質包括頭盔、保護衣、槍械、子彈、藥包、手榴彈等,分散喺島嶼嘅唔同地方,甚至角落;遊戲途中,仲會有空投或者炸彈從天而降;講到最麻煩嘅,仲要收細安全區,姐係玩家講嘅縮圈!依啲都好要好大規模,成個活動要大製作先可以還原到! 其實,網上都有唔少人嘗試過用唔同方法,務求塑造一個貼近遊戲嘅真實體驗,就好似Youtube有41,000,000訂閱嘅Dude Perfect咁,由PUBG…
Read More