fbpx

相信大家都有成日透過Facebook了解朋友嘅狀況,互tag大家增進感情。Facebook創辦人朱克伯格(Mark Zuckerberg)最近表示,希望Facebook除咗係一個同朋友連繫嘅平台,仲可以成為用戶重要關係嘅開始,所以早前Facebook推出咗約會(Dating)功能,而依家更宣布喺「約會」功能入面新增暗戀(Secret Crush)功能,希望可以幫大家開始一段新嘅關係。

約會功能係自願性質嘅,只要你打開依個功能,你就可以建立一個約會嘅個人檔案。但係放心,依個profile唔會輕易比親朋戚友見到,只有同樣使用約會功能嘅用戶先見會見到!Facebook會根據你嘅data,好似共同朋友、興趣、位置咁,搵最適合嘅配對對象,介紹比你認識嘅都會係陌生人。

同其他約會app唔同嘅係,Facebook希望將你最獨特嘅一面表達出嚟,所以除咗年齡、學歷等依啲基本資料之外,Facebook仲會問一啲個人化嘅問題,例如你心目中理想嘅一日係點過等等,希望幫大家搵到一個興趣、諗法等方面都好夾嘅另一半。

如果你比較怕生,想係朋友當中搵約會對象嘅都唔洗擔心,因為朱克伯格喺上個月Facebook嘅年度發佈會F8宣布約會入面多咗「暗戀」依個功能!唔理係啱傾嘅網友、中學男女神、心儀嘅同事都好,你可以全部加晒入去你個暗戀名單入面。怕食檸檬?唔緊要!因為只有對方都有約會功能嘅話,先會收到有人暗戀佢嘅通知,如果你哋真係咁啱,互相將大家加入咗暗戀名單嘅話,Facebook先會揭露你係邊個!當成功配對之後,你地就可以透過Messenger傾計,增進感情。

如果對方同樣有約會功能嘅話就會收到有人暗戀佢嘅通知,如果你咁好彩,同樣係佢哋嘅暗戀名單到嘅話,Facebook先會揭露你係邊個架。當你哋成功配對之後,你地就可以透過Messenger傾計,增進感情啦!

朱克伯格希望用戶可以透過Facebook搵到長久嘅戀情,所以為咗用戶唔好濫用呢個約會功能,每日你只可以改變你嘅暗戀名單一次,而約會功能入面就限定每日只可以同100個玩家配對。

為咗用戶嘅私隱,你嘅約會嘅所有資料都只會留係約會介面,唔會對外公開,兩個頁面只有姓氏同埋歲數會同步,其他資料就係完全分開嘅,換句話講,即使你係約會嘅個人資料刪除左一張兩個檔案都有嘅相,你嘅個人檔案並唔會受影響;即使你同朋友係約會功能到成功配對,你都唔會係Facebook嘅塗鴉牆上面睇到多左佢嘅野。

暫時暗戀功能只係哥倫比亞、加拿大、阿根廷、泰國同墨西哥推出,繼依五個國家之後約會功能終於登陸其他十四個地方,好似越南、馬來西亞、巴西等等,好可惜並唔包括香港。各位香港嘅朋友要等多陣啦,係暗戀功能未推出之前,出pool睇黎都係要靠自己啦…