fbpx

Amazon自2016年提出咗無人商店嘅概念以來  (詳細介紹)
終於喺2018年1月喺美國西雅圖開咗第一間無人商店
自營業以嚟大獲好評,整體運作亦相當順暢
Amazon近日更表示計劃喺未來幾年間,將分店增設至3000間添!
amazon_go.0
▲Amazon Go 以「No Lines. No Checkout」表達出無人商店獨有嘅吸引之處

顧客只需要喺進入商店前下載Amazon Go應用程式
登入後打開首頁嘅QR Code並喺門口閘機上面掃一掃
當你進入店鋪之後,透過人臉辨識等技術,就可以將你所有消費行為都綁定喺你嘅帳戶上面

店內嘅攝影鏡頭同感應器會同時追蹤住商品同顧客
顧客喺貨架上拎起嘅商品會加入虛擬購物車,而放低咗嘅就會被移出購物車
正如啱啱所講,顧客揀好所需商品之後,直接離開店鋪就可以,無需排隊結帳

系統會喺顧客走出閘機之後停止追踪,計算購物嘅總金額,透過Amazon帳戶收取費用
同時,電子收據亦會喺5-10分鐘內發送到你手機上面
當中除咗包括今次嘅購物嘅明細,仲會包括埋喺店鋪嘅停留時間添!

amazon-go-receipts

Amazon Go 目前喺美國只有4間分店,選址都係位於辦公室聚集區或者購物中心
因為佢同我哋傳統嘅購物方式完全唔同,令唔少人都當佢為旅遊景點咁樣去體驗
初初開嘅時候,更有人特登用兩個鐘時間由舊金山飛去西雅圖排隊進入店鋪添!

MF_AmazonGo06
▲Amazon Go 顛覆咗傳統嘅購物方式,大受民眾歡迎

喺全美增設3000間分店其實係一個相當於宏遠嘅目標
目前Amazon Go嘅定位係出售新鮮預製食品的便利店
今次大規模增設商店嘅消息一出,已經令雜貨同零售類股走低
如果之後真係總有一間喺左近,相信將會為佢嘅競爭對手包括7-11、Subway等帶嚟好大威脅啊!

a1e862782053e4aa0ae31bdc79768352

Amazon開業接近一年,好多美國民眾都紛紛體驗咗依個全新嘅購物過程
由當初大家覺得唔習慣,覺得自己冇比錢就離開店鋪,好似偷緊野咁
到依家已經慢慢集慣,就好似我哋嗌Deliveroo、Foodpanda,又或者搭Uber咁
如果遲啲真係愈開愈多,唔知大家去美國嘅時候又會唔會想特登體驗下呢?

 

相閞文章:

【Amazon Go 智能購物,攞完就走?】

【人臉辨識技術可打擊黃牛?】

【以色列公司推出電子價錢牌,可以自動更改價格?】

【AI監視器幫手捉賊仔! 】