fbpx

 

美國嘅明尼蘇達大學(University of Minnesota, UMN)  研究團隊喺3D列印領域上非常出名,
佢哋曾試過將電子同生物學結合,利用3D列印嘅技術,打造出「仿生耳」、「仿生皮膚」等…

56048_web
UMN團隊曾利用3D列印技術,打造出「仿生耳朵」

近日,佢哋喺3D列印研究上更進多一步,打造出「仿生眼睛」原型,
加以研究以後,希望未來可以幫助視力缺陷者,令佢哋睇得更清楚,甚至令盲人重新恢復視力!

喺講「仿生眼睛」之前,等我講解少少咩係3D列印 (3D Printing) 先啦!

3D列印 (3D Printing) 其實係快速成形技術嘅一種,以3D圖檔為基礎,
運用各種可粘合材料例如粉末狀金屬、塑料等,
透過高精度嘅堆疊方式,逐層堆疊,打造出我哋想要嘅立體模型。

Meet-our-customers-AM-technologies-3d-printing-620x310-620x310 copy

3D 列印嘅諗法其實係30幾年前已經有人提出,隨住科技嘅發展,
目前,3D列印技術已經可以打造出好多唔同範疇嘅產品,包括: 食物、義肢、樂器、歷史文物、甚至依家UMN團隊亦研究緊嘅人體器官等…

根據科技周刊《先進材料》(Advanced Materials),
明尼蘇達大學機械工程副教授,UMN團隊嘅首席研究員Michael McAlpine提到,
「仿生眼睛」經常被認為出現在科幻小說當中,但透過3D列印技術,我哋可以令佢更接近我哋生活。

preview
▲近日,UMN團隊利用3D列印技術打造出「仿生眼睛」的原型

UMN團隊為咗打造出同人體器官相仿嘅「仿生眼睛」,必須喺半球形嘅玻璃曲面上列印電子元件。
因此,團體運用咗特製咗3D列印機,令銀粒子墨水唔會沿住半球形玻璃彎曲嘅表面向下流動,而係停留喺適當位置。
當佢乾燥後,再用半導體聚合物材料印刷光電二極體,成個過程大約要一個鐘。

以下係佢哋打造「仿生眼睛」嘅過程,如果大家有興趣可以睇下!

 

雖然UNM團隊目前只係打造咗「仿生眼睛」嘅原型,
如果將來真係要幫助視力有缺陷嘅人,植入患者眼睛進行應用嘅話,仲有好大段路要行,
例如必須要尋找一啲柔軟、舒服質地嘅物料等…
但如果將來真係成功嘅話,將會係好多視覺殘缺者嘅福音啊!

 

Cr: University of Minnesota