fbpx

70、80年代,隨住社會進步,大家對通訊設備嘅需求提高
傳呼機 (Call機) 就成為咗主流嘅通訊工具,同親人朋友聯絡都係靠佢㗎!

當然,老一輩們對Call機就梗係好熟悉啦,但一班年輕人就可能唔知係咩嚟
究竟個原理係咩?係咪即係好似迷你版電話咁? 等我一一話比你知啦!

Hospitals-Overpay-for-Antiquated-Pagers
Call機嘅技術主要都係單向式無線通訊
當你要打比朋友嘅時候,你要先用電話撥打你朋友嘅號碼同Call台取得聯繫
之後再向Call台交低你想講嘅訊息
最後Call台就會向你朋友發出無線電訊號,咁你朋友就會收得通知㗎啦!

隨住科技嘅發展,Call機都變得愈來愈先進
由當初嘅「純響機」變成「數字機」、再變成顯示到中文嘅Call機…

1970年代,當時大家使用嘅Call機仲係「純響機」
當有人打比你嘅時候,Call機就會發出「B-B-」聲嘅提示
亦都係因為咁,有啲人都會叫Call機為「BB機」
001
全球首部普及化嘅Call機 Motorola Pageboy 誕生

因為依部「純響機」淨係可以發出簡單嘅聲響
因此當用戶收到Call嘅時候,要打比Call台先至可以知道訊息內容
雖然依家睇返好似好麻煩,但以當年嚟講,已經算方便咗好多㗎啦!

 

1980年代,出現咗有液晶顯示器,可以顯示數字嘅Call機

Motorola_Bravo_Express
▲Motorola 推出數字機 Bravo Express,液晶顯示器上可以顯使單行的數字

 

Call機公司會為一啲常見嘅姓氏或者常用嘅訊息設定數字代號,製成「代碼紙』
例如「629」代表不見不散 「623」代表打麻雀等…
令大家唔洗打去Call台都可以知道訊息內容!

call9
▲「代碼紙」列明唔同種類訊息對應嘅數字,大家可以配合數字機使用,解讀返相關嘅訊息

1990年代初期,「中文機」開始普及,可以直接顯示中文同英文嘅訊息
省卻咗「數字機」需要翻查代碼紙,查看數字對應訊息嘅不便
Untitled-1
▲Motorola 推出嘅Scriptor LX2可以顯示單行中文或雙行英文,因此在香港十分流行

依個時期,可以話係Call機嘅黃金時期
使用者由原本在職人士漫延到去大學生、中學生等
因此,傳呼員嘅需求大大增加,造就咗唔少就業機會

 

1990年代後期,手提電話嘅售價同服務費大大下降
令唔少人放棄使用Call機,改用手提電話依個更方便嘅雙向式嘅通訊方法
就係咁,Call機嘅使用率大大下降,亦令唔少傳呼公司落等結業
Call機發展開始沒落…

 

2000年代至今,手提電話大行其道,已經再冇人透過Call機作主要溝通工具
只有一啲大型機構,例如醫院、發電廠、甚至一啲紀律部隊機構等會分發Call機比員工使用
除此之外,好似之前介紹過咁
日本亦有電信公司採用咗Call機嘅技術,放喺防災收音機上面  (詳情)
令大家即使接收唔到手機信號,都仲可以聯繫得到!

 

就係咁,依個就係曾經盛行一時嘅Call機嘅簡單歷史啦
唔知有冇你令哋諗起想當年用Call機嘅青蔥歲月
你哋又仲有冇Kepp起當年成日用嘅Call機?
一齊分享下!