fbpx





相信好多人都經歷過減肥一環,為咗減肥,努力忍口、瘋狂做運動、嘗試各種網上嘅偏方,有啲人甚至選擇做縮胃手術…不論性別年齡,體重似乎都係一個常見嘅煩惱。但係,減肥習慣總係難以堅持,成日都會因為受唔住食物嘅引誘、或者因為惰性而堅持唔落去,減肥最終失敗告終…

最近,有美國威斯康辛大學(University of Wisconsin-Madison) Xudong Wang教授發明咗一塊可以產生「飽腹感」嘅晶片,只需將佢植入胃部,就可以達到減肥效果,簡直係冇恆心嘅人嘅減肥恩物啊!

▲美國研究出可以產生「飽腹感」的晶片,只需植入胃部,就能達到減肥效果。

「飽腹感」可以話係減肥嘅關鍵,依個詞語,成日都會喺唔同嘅健康/減肥食品中被強調,透過當中飽腹嘅感覺,希望可以控制食慾,從而減少食量。我哋成日聽到啲人減肥嘅時候會食蕃薯、燕麥、奇亞籽咁,都係因為佢哋有好高嘅「飽腹感」,而被大家當成係減肥必備嘅食物!

依個可以產生「飽腹感」嘅晶片只有不到1cm大小,但當佢被植入胃部後,就可以令原本胃部自然蠕動時產生嘅脈衝加強,令腦部產生一種已經食飽嘅感覺,用戶因此減低食量,令體重成功下降。

目前,依塊「減肥晶片」已經成功喺測試中,令老鼠體重喺25日之內激烈下降,經過25日後,體重先轉趨穩定。喺總共100日嘅測試中,老鼠嘅體重比以前輕咗足足38%咁多!(結果詳情) 不過,因為老鼠體型細少,體重較輕,所以先令令次嘅結果咁明顯。未來,科學家將會喺更多更大型嘅動物上進行測試,希望將來可以有機會將依塊晶片使用喺人體身上。


唔知,正經歷減肥階段嘅你,又會唔會想試下依塊「減肥晶片」呢?


Cr: Nature Communications

相關文章:
【影張相就知你有冇口氣問題?】
【透過指尖可分析喜怒哀樂?】
【3D列印有望打造出仿生眼?】
【世上首張3D彩色X光片面世?】