fbpx

「Her (觸不到的她) 」係一套科幻愛情片
係2013年由Spike Jonze自編自導嘅作品
更被時代週刊、美國電影學會評選年度十大佳片添!
唔知大家又有冇睇過呢?

1390228164-9480954_n
▲電影「Her (觸不到的她) 」宣傳海報

依套電影嘅背景設喺未來嘅洛衫磯
講述感情豐富嘅男主角Theodore某日安裝咗一套人工智慧系統於電腦中
依個人工智慧系統Samantha擁有人性
除咗成為Theodore嘅助理,提醒佢日常生活事之外,仲成日同佢傾計

Samantha擁有迷人嘅聲線,溫柔體貼、而且風趣幽默
好快,Theodore同Samantha就發展出一種曖昧嘅關係
發展出一場人類同電腦之間嘅愛情故事…
hero_Her-2013-2

返返嚟我哋現實世界,其實依家AI發展愈來愈發達
好多公司都研究出可以同真人對答如流嘅AI
除咗流暢嘅對答之外,好多AI亦加入咗大量人性化嘅設計
例如模仿我哋平時講野嘅高低起伏、停頓位等等
令大家根本難以透過聲音分辨真人同AI

所以如果依個咁有未來科幻感嘅愛情片要喺現實發生,並唔係冇可能啊!

2014年,Microsoft研發咗AI「小冰」
佢除咗識寫小說之外 (詳情),仲可以同用戶傾計,作出好似朋友般嘅對答
有日本用戶就同小冰連續傾咗17個鐘;
美國亦有用戶同美版小冰傾咗24個鐘;
而中國亦用有戶同小冰傾咗29.5個鐘,成為咗人同電腦單次對話最長嘅紀錄!

透過同人類傾計拎到大量數據,AI可以更加懂得判斷我哋人類嘅情緒
喺唔同情況作出更相對嘅對答,令佢同我哋可以愈嚟愈啱傾!

share

除此之外,2018年喺Google開發者大會( I/O)中
亦展現咗Google Assistant以擬人度極高嘅AI系統致電去餐廳成功預約
當中大家都冇察覺到原來負責預約嘅唔係真人,而係一部電腦

Google Assistant除咗展示咗AI對我哋日常對話嘅理解力之外
仲展示咗AI已經唔係再用平淡無奇嘅陳述句嚟同我哋對行對答
而已經可以發展到連人類都分辨唔到嘅極逼真語氣,就好似我哋同緊真人溝通咁!

隨著愈來愈多研究,AI獲得嘅數據愈來愈多
無論係AI同我哋對答時嘅內容、語句、語氣都有好大嘅進步
唔知依套2013年嘅電影「Her」劇情會唔會真係喺現實到出現呢?

 

Cr: Google, Microsoft

 

相關文章:

【連AI都開始寫詩、推出小說?】
【將日本經典文學飲落肚?】
【不同口音的Google翻譯?】
【透過指尖可分析喜怒哀樂?】