fbpx

 

唔知大家仲記唔記得十幾年前嘅網站係咩樣呢?原來全球第一個網頁到目前為止已經有接近30年歷史!

30年,聽落好似唔係好耐,但其實當中出現咗好多革命性嘅改變,你又有冇留意過呢!



1990年代初期,英國電腦科學家 Tim Berners-Lee成立咗全球第一個網站。當時佢正於歐洲核子研究組織 (CERN) 擔任研究員,因為工作關係,創立咗 http://info.cern.ch

雖然當時WWW嘅概念係結合圖片同文字,再進行訊息傳遞,但由於受到當年嘅硬體同網速限制,令當時網站嘅呈現方式都係以文字為主。

▲全球第一個網站運用咗簡單嘅URL、http同html所組成,雖然簡單,但依個網站直到依家已經過咗接近30年,竟然都仲可以運作到!

90年代中期,圖文同分頁網站開始崛起。除咗文字之外,網站開始加入一啲圖片,令網頁變得圖文並茂。

為咗加強網站吸引力,好多設計師都透過加入各式各樣嘅背景圖、GIF動畫、閃字等,令網頁更具噱頭。

除此之外,當時亦開始流行分頁嘅概念,令網站更容易使用!


▲1996 年Mcdonald網站,大大個GIF成為咗網站嘅亮點


▲1997 年Apple網站,使用咗分頁嘅概念,令用戶更容易搵到所需頁面

90年代後期,Adobe Flash嘅效果吸引咗好多人嘅目光,好多設計師都喺landing page加入Flash動畫,令網頁畫面愈來愈豐富。

2000年-2005年,Javascript開始流行,令設計師即使唔用flash,都可以做出動態效果嘅網頁程式。

與此同時,大家亦不約而同咁樣將導覽列(Navigation menu) 擺咗係畫面上方。

此外,網站提供表格或留言機制比用戶填寫,增添咗用戶瀏覽網頁嘅互動性。


▲2001年,Apple網站將導覽列移到網站最上方

2006年-2013年,開始流行利用登入方式進行會員管理網站,令網站成為品牌宣傳其中一個重要渠道!

此外,因為行動裝置同智能電話嘅出現,令響應式網站設計(Responsive web design) 誕生,網頁開始支援行動裝置。瀏覽網頁唔再局限於電腦,透過平板或手機都一樣可以輕鬆瀏覽!

2014年-現在,網站開始以原質化設計(Material design)、平面化設計(Flat design) 及極簡主義(Minimalism) 作為設計風格,使用唔同嘅深度效果同陰影,同時刪減多餘組件,透過空間運用,令用戶可以更專注於網站用戶體驗,並將焦點放喺內容上!

就係咁,網站喺依短短30年入面,由密密麻麻嘅文字佈局,一路發展到去有色彩繽紛嘅動畫元素,依家再演變到只有少量色彩嘅簡約設計上,唔知…將來網站又會點樣發展落去呢?

 

講咗咁耐,其實小編都仲係好後生嘅,以上好多網站嘅樣貌小編都係第一次見到,如果大家都好奇想睇下一啲網站之前嘅樣貌嘅話,都可以透過Wayback Machine嚟進行考古㗎!

相關文章:

【帶你看盡50年滑鼠進化史!】
【舊時嘅Call機歷史你知道無?】
【日本結束Call機服務,傳呼年代終要結束?】
【黑膠機未出現之前,留聲機嘅歷史你又知幾多?】